مكتبة خطوط عربية للاوتوكاد تعمل علي جميع الاصدارات | Autocad Arabic Fonts

شاهد تصميم البلاطات المصمتة Solid slab design 

﷽

نقدم لكم علي موقعكم عالم الهندسة Engineering World تحميل كتاب تصميم البلاطات المصمتة solid slab خطوة بخطوة من الالف للياء ومن اساسيات تسليح البلاطة المصمتة solid slab

1. رقة (شبكة) حديد سفلية فقط طالما السمك لايتعدى 16 سم (حسب الكود المصرى) التسليح الشائع فى مصر 6 او 7 فاى 10 فى المتر
2. اماكن وقف الحديد عند Zero moment بمعنى انه غير مسموح بتاتا بوقف السيخ فى منتصف الباكية ( بين عمودين )
3. الكوابيل عبارة عن شوك
4. اماكن التوقف لاتكون فى صف واحد وانما تبادلية مع دخول السيخ ربع اكبر البحرين
5. تفريد حديد التسليح لجسر مكون من بحر واحد + بروز (كابولي)
6. فى حالة البلاطة المرتكزه على كمرتين فقط او الكابولى تكون البلاطه ذات الاتجاه الواحد
7. السمك الادنى للبلاطه يحسب من المعادلات ونشيك عليه او من الجداول ولا نشيك عليه وذالك لأن الجداول تعطى سماكه كبيره والجميع يستخدم المعادلات سواء الاتجاه الواحد أو الاتجاهين
8. سمك البلاطه لا يقل عن 12 سم ( المفضل ) لكنها ممكن تبقى 10 سم
9. الكفر فى البلاطه بيكون من ( 1.5 – 2 سم )
10. أقصى مسافة بين أسياخ الحديد هى 20 سم
11. اذا زادت سماكة البلاطه عن 16 سم نعمل شبكة علويه الهدف منها مقاومة الانكماش
12. عمق الكمره كبير مقارنه بالبلاطه لذالك يكون هناك فرق كبير فى الجساءه وبالتالى 30 % من حمل البلاطه يتحول ليعمل تورشن على الكمره وداه يظهر فى قيم الفا وبيتا
13. اتجاه الفرش فى البلاطه : عامة الفرش يكون فى اتجاه العزم الأكبر واحنا فى السوليد بنفرش فى الاتجاه القصير غالبا لان الحمل الكبير بيمشى فى الاتجاه القصير وبالتالى هيكون صاحب العزم الأكبر
14. العمق الفعال ( d ) وهو ارتفاع الكانه يعنى ارتفاع العنصر الخرسانى مطروح منه قيمة الكفر ويجب ان يكون العمق الفعال فى اتجاه العزم الأكبر عشان نوفر فى الحديد حسب العلاقه ( as = mu / fy j d )
15. الفرش فى اتجاه العزم الكبير لزيادة العمق الفعال وبالتالى تقليل الحديد

تسليح البلاطات المصمتة Solid Slabs

1. التكسيح فى البلاطات بيكون بنفس نسب الكمرات
2. فى حالة البلاطات بيكون سيخ مكسح وسيخ عدل على الركيزه( النصف والنصف )
3. فى حالة التكسيح بيعطى فى اللوحه خطين ( الفرش ) وخط واحد ( الغطاء )
4. فى حالة الطريقة الامريكيه بأعرف الفرش والغطا عن طريق الجنش لو الجنش لفوق بيكون الفرش لو الجنش لتحت بيكون داه الغطا وبيعطى كابات للاضافى
5. خلى بالك قوى قوى النظر للوحه بيكون من تحت اقصى اليمين عشان تشوف الارقام مظبوطه
6. لو اللوحه كبيره ماترميش عينك عليها كلها خدها من تحت واحده واحده هتفهم كل تفاصيلها
7. التسليح بيكون سيخ عدل من الركيزه الى الركيزه والسيخ اللى بعده مكسح وبيمد ربع البحر وتكون الباكيه اللى بعدها عكسها فى رص الحديد عشان احقق نسبة الحديد العلوى لمقاومة العزم السالب
8. خطوات تنفيذ التسليح
9. يجى الحداد على الباكيه ويجنطها كلها واول سيخ بيكون على مسافة نصف التقسيط
10. يحط أول سيخ عدل ويكون على مسافة نصف التقسيط من الركيزه الى الركيزه ويسيب مكان للسيخ المكرب ويضع سيخ عدل يعنى يرص الحديد العدل بتاع الفرش فى الباكيه
11. الخطوه التانيه الحداد يقيس مسافة التكريب ويحط علامه ويحط فى المسافه دى الحديد الثانوى ( الغطا ) قبل فرش المكسح عشان يقدر يكرب الحديد
12. الخطوه التالته انه يبدأ يفرش الحديد المكسح فى مكانه ويرمى لربع البحر المجاور
13. الخطوه الرابعه يكمل باقى حديد الغطا عادى للباكيه
14. اللى استفدناه من الطريقه دى ان الجزء اللى هيبقا فيه تكريب الفرش اصبح فوق الغطا ودا هيسهل على الحداد عملية التكريب وهو بيكرب بالملاوينه بسرعه والزاويه مش شرط تكون مظبوطه لان الشير بيكون مسيف فانت عايز تقاوم العزم السالب فقط
15. الحداد فى الباكيه اللى جنبها ويعكس التسليح يعنى يبدأ اول سيخ مكسح فالبتالى هيسيب اول تقسيط فاضى ويبدأ يرص العدل من تانى تقسيط عشان المكسح يبقى مغطى الكمره كلها فيقاوم العزم السالب

تحميل الملف

عنوان الملف : تصميم البلاطات المصمتة

Solid slab design

اللغة : العربية

نتمني ان ينال اعجابكم 👍

في حالة تعطل رابط التحميل برجاء ابلاغنا من خلال التعليقات